Тоҷикӣ
Русский
English
Тавре қаблан иттилоъ додем ҳайати гурӯҳи кории Вазорати маориф ва таҳсилоти олии Давлати Қатар дар Тоҷикистон қарор доранд. Рӯзи 21 август ҳайати мазкур бо ҳамроҳии вазири меҳнат, муҳоҷират ва шуғли аҳолии Ҷумҳурии Тоҷикистон Холмаҳмадзода С. аз Маркази рушди малакаҳо дар ноҳияи Данғара боздид ба амал оварданд. Меҳмонон бо синфхонаҳои дарсҳои назариявӣ, забономӯзӣ, устохонаҳои таълимӣ ва шароитҳои фароҳамшуда барои касбомӯзии шаҳрвандон шинос шуда, аз дарси амалӣ дар устохонаи коркарди меваю сабзабот дидан намуданд.
Ҳайати мазкур дар маросими супоридани шаҳоданомаҳои хатм ба хатмкардагони марказ иштирок карда, бо қаноатмандӣ аз боздид қайд намуданд, ки барои омода кардани мутахассисон тибқи талаботи бозори меҳнат заминаи моддию техникии муосир ва ба талабот ҷавобгӯ фароҳам оварда шудааст. Ҷонибҳо дар фарҷом оид ба ҳамкориҳои ниҳодҳои ҳар ду давлат ибрози назар карда, ҷиҳати тақвияти он изҳори таманниёт намуданд.
Фотогалерея
Сомонаҳои мақомоти давлатӣ
