Хадамоти назорати давлатӣ дар соҳаи меҳнат, муҳоҷират ва шуғли аҳолӣ

Низомномаи Хадамоти давлатии назорат дар соҳаи меҳнат, шуғли аҳолӣ ва ҳифзи иҷтимоӣ

Низомномаи

Хадамоти давлатии назорат дар соҳаи

меҳнат, шуғли аҳолӣ ва ҳифзи иҷтимоӣ

                         1. Муқаррароти умумӣ

1. Хадамоти давлатии назорат дар  соҳаи  меҳнат,  шуғл  ва  ҳифзи иҷтимоии  аҳолӣ  (минбаъд Хадамот) мақомоти ҳокимияти иҷроияи Ҷумҳурии Тоҷикистон буда,  вазифаҳои назорату  санҷиши  давлатӣ  оид  ба  риояи қонунгузории Ҷумҳурии Тоҷикистон   дар   бораи меҳнат,  қоидаҳои ҳифзи меҳнат,  стандартҳо  ва  меъёрҳои   бехатарии   меҳнат,   гузаронидани экспертизаи шароити меҳнат, шуғл, муҳоҷират, суғуртаи иҷтимоӣ ва ҳифзи иҷтимоии аҳолиро дар корхонаҳо,  муассисаҳо ва ташкилотҳо новобаста аз шакли моликият анҷом медиҳад.

2. Хадамот  дар  Нақшаи  идоракунии  Вазорати  меҳнат  ва   ҳифзи иҷтимоии аҳолии Ҷумҳурии Тоҷикистон қарор дорад.

3. Хадамот дар фаъолияти худ Конститутсияи  (Сарқонуни)  Ҷумҳурии Тоҷикистон,  қонунҳои  Ҷумҳурии Тоҷикистон,  қарорҳои Маҷлиси миллӣ ва Маҷлиси намояндагони Маҷлиси Олии Ҷумҳурии Тоҷикистон,  фармону амрҳои Президенти  Ҷумҳурии  Тоҷикистон,  қарору фармоишҳои Ҳукумати Ҷумҳурии Тоҷикистон,  санадҳои ҳуқуқии  байналмилалии  эътирофнамудаи  Ҷумҳурии Тоҷикистон,  ин  Низомнома,  фармонҳои Вазири меҳнат ва ҳифзи иҷтимоии аҳолии Ҷумҳурии Тоҷикистон дастури амал қарор медиҳад.

4. Хадамот фаъолияти худро дар ҳамкорӣ бо дигар мақомоти марказии ҳокимияти  иҷроия,  мақомоти  иҷроияи  маҳаллии   ҳокимияти   давлатӣ, иттиҳодияҳои ҷамъиятӣ,  созмонҳои байналмилалӣ ва дигар ташкилот анҷом медиҳад.

 

2. Вазифаҳо

5. Хадамот дар соҳаи муқарраргардидаи фаъолият, аз ҷумла назорату санҷиши давлатӣ вазифаҳои зайлро анҷом медиҳад:

– иҷрои ҳуқуқҳои меҳнатии кормандон ва риояи шароитҳои  бехатарии меҳнат, инчунин ҳифзи онҳо аз амалҳои ғайриқонунии корфармоён, шахсони мансабдор ва кормандони дигари масъули корхонаҳо;

– дуруст  ва  саривақт  пардохт  намудани музди меҳнат,  таъин ва пардохт намудани нафақа, кўмакпулиҳо ва дигар пардохтҳои иҷтимоӣ;

– истифодаи дурусти руйхати истеҳсолот,  касбу корҳо, вазифаҳо ва нишондиҳандаҳо,  ки мутобиқи онҳо  нафақаи  имтиёзнок  муқаррар  карда шуда, рухсатии иловагӣ дода мешавад;

– барои додани имтиёзу ҷубронпулиҳои муқарраршуда,  ба кормандони дар  корҳои  вазнин  ё  дорои  шароити зараровар,  хатарнок ва шароити номусоиди меҳнат машғули кор буда,  хусусан  дар  корҳое,  ки  меҳнати занон ва ҷавонон истифода мешавад;

– ҳифзи иҷтимоӣ ва хизматрасонии иҷтимоии аҳолӣ;

– бозори меҳнат ва шуғли аҳолӣ;

– муҳоҷирати дохилӣ (ихтиёрӣ) ва экологии аҳолӣ (қарори  Ҳукумати ҶТ аз 1.10.07 № 518);

– суғуртаи иҷтимоӣ ва таъмини нафақа;

– пешниҳоди  имтиёзҳо  ва  ҷубронпулиҳо  барои  кор  дар  шароити номусоиди меҳнат ба кормандони корхонаҳо;

– ҷуброн намудани зараре,  ки  ба  саломатии  кормандон  расонида шудааст;

– ҳалли босифати қарорҳои  лоиҳавӣ  оид  ба  шароити  меҳнат  дар лоиҳаҳои сохтмонҳои   нав  ва  корхонаҳои  таҷдидшаванда,  муассисаю ташкилот новобаста аз шакли моликияташон;

– аз  тарафи  корхонаву  ташкилот  ва  муассисаҳо  риоя гардидани қоидаҳо оид ба ҳифзи меҳнат ва ҷорӣ намудани воситаҳои  муосири  ҳифзи меҳнат,  ки  ҷароҳатбардориҳои  истеҳсолӣ,  пайдоиши бемориҳои касбиро пешгирӣ менамоянд,  инчунин ўҳдадориҳое,  ки шартномаҳои коллективӣ ва созишномаҳо пешбинӣ менамоянд.

6. Хадамот бо  мақсади  таъмини  ваколатҳо  дар  соҳаи  фаъолияти муқарраргардида ҳуқуқ дорад:

– ташхиси шароити меҳнатро дар корхонаю  ташкилотҳои  амалкунанда ва  аз  нав  ба истифода додашаванда,  новобаста аз шакли моликияташон гузаронад;

– вазифаҳои  ихтиёрдори  асосӣ  ва қабулкунандаи маблағҳои буҷети ҷумҳуриявӣ барои нигоҳдории Хадамот пешбинишуда ва  татбиқи  вазифаҳои ба он вогузоршударо иҷро намояд;

– таҳияи барномаҳоро оид ба  ҳифз  ва  шароити  меҳнат  якҷоя  бо вазоратҳо,  кумитаҳои  давлатӣ,  идораҳо  ва мақомоти иҷроияи маҳаллии ҳокимияти давлатӣ дар маҳалҳо  ташкил  намуда,  иҷрои  онҳоро  назорат намояд;

– якҷоя  бо  вазорату  идораҳои  манфиатдор  дар  муайян  кардани стандарту меъёрҳои давлатӣ оид ба бехатарии меҳнат иштирок намояд;

– оид ба такмили қонунгузории  Ҷумҳурии  Тоҷикистон  ва  санадҳои дигари  меъёрию  ҳуқуқӣ  дар  бораи  меҳнат ва ҳифзи меҳнат пешниҳодҳо таҳия намояд;

– оид ба пешгирии қонунвайронкуниҳо дар  бораи  меҳнат  ва  ҳифзи меҳнат, муҳоҷирати дохилӣ (ихтиёрӣ) ва экологӣ, ҳифзи иҷтимоӣ, инчунин мусоидат намудан ба корфармоён ва кормандон дар омўхтани  қонунгузории Ҷумҳурии  Тоҷикистон ва меъёрҳои амалкунанда дар бораи меҳнат ва ҳифзи меҳнат чораҳо андешад (қарори Ҳукумати ҶТ аз 1.10.07 № 518);

– бо  мақсади  назорат  ва  санҷиши  риояи  қонунгузории Ҷумҳурии Тоҷикистон,  санадҳои меъёрию ҳуқуқии дигар дар бораи меҳнат,  ҳифз ва шароити меҳнат,  шуғл, муҳоҷирати дохилӣ (ихтиёрӣ) ва экологӣ ва ҳифзи иҷтимоии аҳолӣ бо тартиби пешбининамудаи  Қонуни  Ҷумҳурии  Тоҷикистон “Дар   бораи  санҷиши  фаъолияти  субъектҳои  хоҷагидор  дар  Ҷумҳурии Тоҷикистон” ба муассисаҳо ва корхонаю ташкилот,  сарфи назар аз  шакли моликият,  аз ҷумла шахсони воқеӣ, инчунин хориҷӣ, ташриф орад (қарори Ҳукумати ҶТ аз 1.10.07 № 518);

– мақомоти ҳамоҳангсозӣ, машваратӣ ва экспертӣ (шўро, комиссияҳо, гурўҳҳои машваратӣ)-ро  дар  соҳаи  фаъолияти  муқарраргардида  таъсис диҳад;

– маводҳоро оид ба  ҳодисаҳои  вайронкунии  қонунгузории  меҳнат, ҳифзи  меҳнат,  шуғл,  муҳоҷирати  дохилӣ (ихтиёрӣ) ва экологӣ,  ҳифзи иҷтимоии аҳолӣ ва иҷро  накардани  дастурҳои  кормандони  Хадамот,  ки назорату  санҷишро  анҷом  медиҳанд,  ба  суд,  мақомоти ҳифзи  ҳуқуқи Ҷумҳурии Тоҷикистон ирсол намояд (қарори  Ҳукумати  ҶТ  аз  1.10.07  № 518);

– мутобиқи    тартиби   муқаррарнамудаи   қонунгузории   Ҷумҳурии Тоҷикистон ба роҳбарон,  шахсони мансабдор,  кормандони дигари масъули корхонаҳо,  муассисаҳо  ва  ташкилотҳо  новобаста  аз  шакли моликият, инчунин шахсони инфиродӣ ҷарима бандад;

– чораҳои  маҳдудкунӣ,  огоҳкунанда  ва  пешгирикунанда  мутобиқи қонунгузории Ҷумҳурии  Тоҷикистон  ба  роҳ  надодан  ва  қатъ  кардани вайронкуниҳои  талаботи  ҳатмӣ  дар соҳаи муқарраргардидаи фаъолият аз ҷониби шахсони ҳуқуқӣ ва шаҳрвандон равона шудаанд, инчунин чораҳои аз байн бурдани оқибатҳои вайронкуниҳои номбурдаро истифода барад;

– дар мўҳлатҳои муқарраршуда  аз  вазоратҳо,  кумитаҳои  давлатӣ, идораҳо,  корхонаю ташкилот сарфи назар аз шакли моликият маълумотҳоро оид ба ҳолати шароити ҳифзи меҳнат,  техникаи  бехатарӣ,  шуғл,  ҳифзи иҷтимоии  аҳолӣ,  ҷароҳатбардории истеҳсолӣ ва бемориҳои касбӣ дархост намуда гирад;

– аз мақомоти давлатии омор дар тамоми сатҳ маълумоти омориро оид ба меҳнат, музди меҳнат ва рушди иҷтимоӣ дархост намуда гирад;

– ба  мақомоти  болоӣ  дар  бораи  бекор кардани санадҳои меъёрию ҳуқуқие,  ки  хилофи  қонунгузории   Ҷумҳурии   Тоҷикистон   мебошанд, пешниҳодҳо манзур намояд;

– мутахассисони   идораҳо,   ташкилотҳои   илмию   тадқиқотӣ   ва корхонаҳоро  сарфи  назар аз тобеияти идоравӣ ҷиҳати баррасӣ ва таҳияи масъалаҳои  алоҳидаи  ҳифз  ва  шароити  меҳнат,  барои   гузаронидани машваратҳо,  экспертизаҳо  ва  ҳамчунин  намояндагони  мақомоти  ҳифзи ҳуқуқро барои санҷиш ҷалб намояд.

3. Ташкили фаъолият

7. Хадамотро  Сардори  он  роҳбарӣ  менамояд,  ки  бо   пешниҳоди Вазорати  меҳнат  ва  ҳифзи  иҷтимоии  аҳолии Ҷумҳурии Тоҷикистон,  аз ҷониби Ҳукумати Ҷумҳурии Тоҷикистон ба вазифа таъин ва аз вазифа  озод карда мешавад.

8. Сардори Хадамот як муовин дорад, ки онро, бо пешниҳоди Сардори Хадамот  Вазорати  меҳнат ва ҳифзи иҷтимоии аҳолии Ҷумҳурии Тоҷикистон ба вазифа таъин ва аз вазифа озод менамояд.

9. Сардори Хадамот:

– роҳбарони воҳидҳои  сохторӣ  ва  кормандони  Дастгоҳи  марказии Хадамотро ба вазифа таъин ва аз вазифа озод менамояд;

– сардорони  раёсатҳо,  шўъбаҳо  ва  намояндаҳои   системаро   бо мувофиқаи Вазорати меҳнат ва ҳифзи иҷтимоии аҳолии Ҷумҳурии Тоҷикистон ва кормандони ин мақомотро 60 пешниҳоди Сардори ҳамин  сохторҳо  (ғайр аз ҳайати хизматрасон)ба кор таъин ва аз кор озод менамояд;

– низомномаҳои сохторҳои Дастгоҳи марказӣ ва мақомоти  минтақавии Хадамотро тасдиқ менамояд;

– ба Вазорати меҳнат ва ҳифзи иҷтимоии аҳолии Ҷумҳурии Тоҷикистон ҷадвали штатии кормандони Дастгоҳи марказии Хадамотро дар доираи фонди пардохти  музди  меҳнат  ва  шумораи  кормандони   Ҳукумати   Ҷумҳурии Тоҷикистон муқаррарнамуда, барои тасдиқ пешниҳод менамояд;

– ҷадвалҳои  штатӣ,  шумора  ва  фонди  пардохти  музди   меҳнати кормандони  мақомоти  маҳаллии  Хадамотро  дар  доираи нишондиҳандаҳои муқаррарнамудаи Ҳукумати Ҷумҳурии Тоҷикистон,  инчунин сметаи хароҷоти нигоҳдории онҳоро дар доираи маблағҳои дар буҷети ҷумҳурӣ барои давраи дахлдор пешбинигардида, тасдиқ менамояд.

10. Хадамот  шахси  ҳуқуқӣ  буда,  дорои  мўҳр  бо тавсири Нишони давлатии Ҷумҳурии Тоҷикистон бо номи худ ба забонҳои давлатӣ ва  русӣ, мўҳрҳо,  штампҳо  ва  бланкаҳои  дахлдор  буда,  аз  ҳисоби  ягона дар Хазинадории марказии Вазорати молияи Ҷумҳурии Тоҷикистон  маблағгузорӣ карда мешавад.

11. Маҳалли ҷойгиршавии Дастгоҳи марказии Хадамот: шаҳри  Душанбе, хиёбони Борбад 71.

Сохтори

Дастгоҳи марказии Хадамоти давлатии назорат дар

соҳаи меҳнат, шуғл ва ҳифзи иҷтимоии аҳолӣ

     Роҳбарият

Шўъбаи назорати муҳофизати меҳнат

Шўъбаи назорати нафақа ва пардохтҳои иҷтимоӣ

Шўъбаи назорати шуғли аҳолӣ

Шўъбаи ташхиси шароити меҳнат

Шўъбаи таъминоти ҳуқуқӣ ва ташкилӣ

Шўъбаи идораи корҳо

Шўъбаи ҳисобдорӣ

Фаъолияти Хадамоти давлатии назорат дар соҳаи меҳнат, шуғл ва ҳифзи иҷтимоии аҳолӣ дар соли 2012

Фаъолияти Хадамоти давлатии назорат дар соҳаи меҳнат, шуғл ва ҳифзи иҷтимоии аҳолӣ дар соли 2012

  1. Асоси фаъолияти Хадамот

Фаъолияти Хадамоти давлатии назорат дар соҳаи меҳнат, шуғл ва ҳифзи иҷтимоии аҳолӣ дар шароити кунунии рушди ҷомеа ва тараққиёти иқтисоди кишвар дар доираи ваколатҳои муайяннмудаи қонунҳои Ҷумҳурии Тоҷикистон ва дигар санадҳои меъёрии ҳуқуқии Ҷумҳурии Тоҷикистон, дар иртибот бо дастуру супоришҳои Президенти Ҷумҳурии Тоҷикистон, Ҳукумати Ҷумҳурии Тоҷикистон ва Вазорати меҳнат ва ҳифзи иҷтимоии аҳолии Ҷумҳурии Тоҷикистон ба назорати риояи муқаррароти санадҳои меъёрии ҳуқуқӣ оид ба меҳнат, шуғл ва ҳифзи иҷтимоӣ дар корхонаю ташкилот ва муассисаҳо ба роҳ монда  шудааст.

 

  1. Нишондиҳандаҳои мухтасар дар давраи ҳисоботӣ

Тибқи нақшаи тасдиқшуда, дастуру супоришҳои роҳбарияти вазорат ва арзу шикоятҳои шаҳрвандон вобаста ба ҳолати риояи қонунгузории соҳа дар соли 2012 фаъолияти2501 адад субъектҳои хоҷагидори Ҷумҳурии Тоҷикистон мавриди санҷиш қарор дода шуд, ки 2024 адади он санҷишҳои нақшавӣ мебошанд. Аз ин, 1592 санҷиш ба масъалаҳои меҳнат, 216 санҷиш  ба масъалаҳои бехатарии меҳнат ва риояи стандартҳо,285 санҷиш ба масъалаҳои шуғли аҳолӣ ва 408 санҷиш ба масъалаҳои нафақа ва дигар  пардохтҳои иҷтимоӣ рост меояд, ки нисбат ба ҳамин давраи соли гузашта 13,7 фоиз зиёд гардидааст (дар соли 2011-2199 адад).

Назорату санҷишҳои давлатӣ дар соҳаи меҳнат, шуғл ва ҳифзи иҷтимоии аҳолӣ дар давраи ҳисоботӣ дар маҷмўъ 1223 корхонаву муассисаҳои давлатӣ, 875 корхонаю ташкилотҳои хусусӣ ва 403 субъектҳои хоҷагидори шакли дигари моликиятро фаро гирифт.

Дар натиҷаи ҳамаи назорату санҷишҳои анҷомёфта 9438 адад қонунвайронкуниҳо  ошкор гардиданд, ки аз ин 6530ҳолат ба масъалаҳои меҳнат,1028 ҳолат ба масъалаҳои бехатарии меҳнат ва риояи стандартҳо,1100 ҳолат ба масъалаҳои шуғл ва780 ҳолат ба масъалаҳои нафақа ва дигар пардохтҳои  иҷтимоӣ  иртибот доранд,ки нисбат ба соли 201138 фоиз зиёд гардидааст (дар соли 2011 6835 адад).

         Дар соли 2012 аз ҷониби мутахассисони Хадамот дар ташкилоту   муассисаҳои ҷумҳурӣ  290 ададэкспертизаҳо, аз ҷумла 143 экспертизаҳо  оид ба  бехатарии шароити меҳнати ҷойҳои корӣ ва оиди риояи таъмини қонунгузорӣ доир ба пешниҳоди имтиёзҳо ва кафолатҳо, 147 экспертизаи ҳуҷҷатҳои лоиҳавии сохтмонҳои нав ва иншооти таҷдидшавандаи таъиноти истеҳсолӣ гузаронида шуданд. Дар натиҷаи ҳамаи экспертизаҳои гузаронидашуда 1741 адад қонунвайронкуниҳо ошкор гардиданд, ки аз онҳо 918 адад дар натиҷаи экспертизаи ҳуҷҷатҳои лоиҳавии сохтмонҳои нав ва иншооти таҷдидшавандаи таъиноти истеҳсолӣ ва 823 адад дар натиҷаи экспертизаҳои шароити меҳнати ҷойҳои корӣ  ошкор гардид.

Дар маҷмўъ дар соли 2012 бо дахолати Хадамот 114 млн. 727,1 ҳазор сомонӣ ба буҷети давлатӣ ва шаҳрвандон пардохт ва барқарор карда шуд, аз ҷумла:

а) Ба буҷети давлатӣ дар маҷмўъ 32млн. 198,2  ҳазор сомонӣ, аз ин:

– ба  фонди 25% – маблағи 19 млн. 368,8 ҳазор сомонӣ;

     – ба фонди 1% – 800,2 ҳазор сомонӣ;

    –  ба буҷетҳои маҳаллӣ – 10 млн. 193,6 ҳазор сомонӣ;

– нафақаи зиёд таъину пардохтгардида 1 млн. 179,5 ҳазор сомонӣ барқарор карда шуд;

– тибқи мактуби иҷрои нақшаи назорату санҷишҳои тасдиқшуда холати пардохт аз рўи меъёри 1 фоиза аз музди меҳнат дар корхонаҳо ва муассисаҳо бо дахолати мутахассисони Хадамот 150 ҳазор сомонӣ ба суратҳисоби шўъбаҳои Агентии давлатии суғуртаи иҷтимоӣ ва нафақаи шаҳру ноҳияҳои ҷумҳурӣ гузаронида шуд;

– ҷаримаҳо барои содир кардани ҳуқуқвайронкуниҳои маъмурӣ дар соҳаи меҳнат, шуғл ва ҳифзи иҷтимоии аҳолӣ дар ҳаҷми 506,1 ҳазор сомонӣ;

б) ба шаҳрвандон, дар маҷмўъ 82 млн. 528,9 ҳазор сомонӣ, аз ин:

      –  қарздории музди меҳнат 80 млн. 801,8 ҳазор сомонӣ,  аз ҷумла 5 млн. 829,2 ҳазор сомонӣ маблағҳои дар рафти санҷишҳо ошкоршуда ва 74 млн. 972,62 ҳаз.сомонӣ тибқи ҳисоботҳои оморӣ маблағҳои қарздорӣ аз музди меҳнат;

– ба оила ва ашхоси ғайри қобили кории фавтидагон ва кормандони зарардида аз ҷониби корфармоён маблағи 1 млн. 638 ҳазор сомонӣ ҷуброни зарар;

      – маблағи нафақаи кам таъину пардохтгардида 89,1 ҳазор сомонӣ.

3). Қонунҳои Ҷумҳурии Тоҷикистон, фармонҳои Президенти Ҷумҳурии Тоҷикистон ва қарору супоришҳои Ҳукумати Ҷумҳурии Тоҷикистон, ки зери назорати доимии Хадамот қарор доранд, 42 ададро ташкил медиҳанд.

Таҳлилҳо нишон доданд, ки дар соли 2012 ба Хадамот ҳамагӣ 988 адад мактубҳо расман ворид гардиданд, аз ин супоришҳои расмии Вазорат 219 адад барои баррасӣ ва таҳлил ворид гардида, 21 адади он дар ҳолати иҷро қарор доранд.

Тибқи ҷадвали назоратӣ вобаста ба супоришҳои Вазорат дар 4 самт назорат бурда мешавад:

1) қарорҳои Ҳайати мушовараи Вазорат;

2) протоколҳои маҷлисҳои Ҳайати мушовараи Вазорат;

3) Фармоишҳои Вазир;

4) протоколҳои маҷлисҳои назоратии назди Вазир,

                Иҷрои ҷадвали назоратӣ зери назорат қарор дошта, супоришҳои нав илова мегарданд ва супоришҳое, ки мўҳлати иҷроишашон сипарӣ мегардад, аз назорат хориҷ карда мешаванд.

Айни ҳол назорати иҷрои супоришҳое, ки аз Вазорат ба Хадамот ворид гардидааст, тибқи ҷадвали назоратӣ ба роҳ монда шудааст.

1) қарорҳои Ҳайати мушовараи Вазорат дар соли 2010 – 4 адад, дар соли 2011 – 5 адад ва соли 2012 – 6 адад;

2) протоколҳои маҷлисҳои Ҳайати мушовараи Вазорат дар соли 2010 – 1 адад, дар соли 2011 – 2 адад ва дар соли 2012 – 3 адад;

3) Фармоишҳои Вазир дар соли 2010 – 11 адад, дар соли 2011 – 10 адад ва соли 2012 – 1 адад;

4) Протоколҳои маҷлиси назоратии назди Вазир дар соли 2012 – 11 адад.

Вобаста ба самтҳои назоратии  Хадамот дар 4 самт назорати доимӣ бурда мешавад:

  1. оидба масъалаҳои меҳнат;
  2. оид ба ташхиси шароити меҳнат ва риояи стандартҳо;
  3. оид ба масъалаҳои шуғли аҳолӣ;
  4. оид ба масъалаҳои таъин ва пардохти нафақа ва дигар  пардохтҳои иҷтимоӣ.

        4)Самти  назорати муҳофизати меҳнат

Тибқи нақшаи тасдиқшуда, дастуру супоришҳои роҳбарияти вазорат ва арзу шикоятҳои шаҳрвандон вобаста ба ҳолати риояи қонунгузории соҳа дар соли 2012 фаъолияти 1592 адад субъектҳои хоҷагидори Ҷумҳурии Тоҷикистон оид ба масъалаҳои меҳнат мавриди санҷиш қарор дода шуд, ки нисбат ба ҳамин давраи солигузашта 15 фоиз зиёд мебошад. Аз шумораи умумии санҷишҳои гузаронидашуда 1306 адади он санҷишҳои нақшавӣ буда, 286 адади он санҷишҳои мақсаднок мебошанд, ки дар асоси муроҷиати шаҳрвандон гузаронида шудаанд.

 Назорату санҷишҳои давлатӣ дар соҳаи меҳнат, ҳифзи меҳнат, меъёрҳои бехатарии меҳнат, суғуртаи иҷтимоӣ ва ҳифзи иҷтимоии аҳолӣ дар давраи ҳисоботӣ дар маҷмўъ 867 корхонаву муассисаҳои давлатӣ, 528 корхонаю ташкилотҳои хусусӣ ва 197 субъектҳои хоҷагидори шакли дигари моликиятро фаро гирифт.

Дар натиҷаи ҳамаи назорату санҷишҳои анҷомёфта 6530 ҳолати риоя накардани қонунвайронкуниҳо оид ба масъалаҳои меҳнат иртибот доранд, ки нисбат ба ҳамин давраи соли гузашта2,3 фоиз афзоиш ёфтааст.

Мусоидат ба рушди шарикии иҷтимоӣ

      Гарчанд дар корхонаю ташкилотҳои санҷидашуда тибқи  талаботи моддаҳои 17 ва 18 Қонуни Ҷумҳурии Тоҷикистон «Дар бораи шарикии иҷтимоӣ, созишномаҳо ва шартномаҳои коллективӣ» ва моддаҳои 23, 24 ва 25 Кодекси меҳнати Ҷумхурии Тоҷикистон ба хотири баланд бардоштани сатҳи кафолатҳои меҳнатӣ ва иҷтимоии кормандон дар қиёс ба ҳадди ақали кафолатҳои меҳнатӣ ва иҷтимоие, ки давлат муқаррар намудааст, зарурати бастани созишномаҳои соҳавӣ ва шартномаҳои коллективиро дар симои иттифоқҳои касаба муаяйн намуда дар ин бора қарори дахлдор қабул шуда бошанд ҳам, аз рафти санҷишҳо муайян гардид, ки созишнома ва шартномаҳои коллективии байни корфармо ва коллективи меҳнатӣ басташуда рўякӣ ва сатҳӣ мебошанд. Агар аз як тараф  дар шартномаҳои коллективии басташуда муқаррароти меъёрии муайяннамуда, сатҳи иҷтимоии кормандонро нисбат ба муқаррароти асноди қонунгузорӣ паст намуда бошанд, аз тарафи дигар санҷишҳо муайян намуданд, ки оид ба гузаронидани музокироти коллективӣ, танзими муносибатҳои иҷтимоӣ-меҳнатӣ, таҳия ва бастани шартномаи коллективӣ дар асоси талаботи моддаи 6 Қонуни Ҷумҳурии Тоҷикистон “Дар бораи шарикии иҷтимоӣ, созишномаҳо ва шартномаҳои коллективӣ” комиссияи дутарафа таъсис дода нашудааст. Ҳол он, ки тибқи талаботи моддаи 19 Қонуни мазкур тартиб ва мўҳлати бастани шартномаи коллективӣ, ҳайати комиссияи барои пешбурди музокирот таъиншавандаро тарафҳо муайян мекунанд, ки он бо фармони корфармо ба расмият дароварда мешавад. Илова бар ин, дар маҷлиси умумии коллективи меҳнатӣ шакли мукаммали шартномаи коллективӣ аз ҷониби коллективи меҳнатӣ мавриди муҳокима қарор дода нашудааст, ки инро мавҷуд набудани протоколи маҷлиси умумии коллективи меҳнатӣ дар хусуси аз номи онҳо бо корфармо ба имзо расонидани шартномаи коллективӣ тасдиқ менамояд.

       Дар маҷмўъ бо дахолати кормандони Хадамот дар 550 корхонаю ташкилот ба шартномаҳои коллективии басташуда тағйиру иловаҳо ворид гардида, дар мақомоти дахлдор ба қайд гирифта шуданд.

                              Шартномаи (қарордоди) меҳнатӣ

        Дар рафти санҷишҳо мутахассисони Хадамот дар давраи ҳисоботӣ дар 1592 корхонаю ташкилоти мавриди санҷиш қарордода, 651 ҳолати риоя нагардидани талаботи қонунгузории меҳнатро дар самти бастани шартномаи (қарордоди) меҳнатӣ, ошкор намуданд.

        Азбаски шартномаҳои (қарордодҳои) меҳнатӣ дар қиёс бо шартномаҳои гражданӣ-ҳуқуқӣ оид ба  татбиқи меҳнат, доираи васеътари ҳуқуқ ва кафолатҳои ҳифзи манфиатҳои кормандонро пешбинӣ менамояд, дар амалия ташкилотҳои тиҷоратӣ ва соҳибкорони инфиродӣ кўшиш ба харҷ додаанд, ки бо шаҳрвандон на шарномаҳои (қарордодҳои) меҳнатӣ, балки шартномаҳои гражданӣ-ҳуқуқӣ банданд, ки ин вобаста ба шуғли доштаи корманд хилофи талаботи қонунгузории меҳнат мебошад. Зеро шартномаи (қарордоди) меҳнатӣ пеш аз ҳама хусусияти мутлақо шахсӣ дошта, иваз намудани корманд ба дигар шахс номумкин аст ва аз тарафи дигар шартномаи (қарордоди) меҳнатӣ ҷараёни меҳнатро ба танзим медарорад. Маҳаки шартномаи гражданӣ-ҳуқуқии ба меҳнат иртиботдоштаро бошад, на чараёни меҳнат, балки натиҷаи он ташкил медиҳад. Дар ҳолати риоя накардани талаботи санадҳои қонунгузорӣ ба сатҳи иҷтимоии кормандон ба маблагӣ 553,4 ҳазор сомонӣ зиёни моддӣ расонида шуда буд, ки  пас аз дахолати Хадамот ба кормандон пардохт карда шуд. Масалан омўзиши қарордодҳои меҳнатии байни роҳбарият ва кормандони ҶСК ба номи “Урунхоҷаев”, Маркази ташхиси хун, КВД “Кони ангишти Назарайлоқ”, ҶСК “Собир”-и Ҷумхурии Исломии Эрон, филиали ҶСП “Тунел сади  ориён”, ҶДММ «Хонасоз-4”, ҶДММ «Паррандапарварӣ”, АИИ ба номи “Р. Набиев”,ҶСК ба номи “Урунхоҷаев”, ҶСК “Хуҷандсоз” ҶДММ “СуғдТАДЭС”, ҶСП “Ҳазораи Сомон”, ҶДММ “Одина”, ҶДММ “Союзар”, ҶСК “Интермебел”, Раёсати сохтмони асосии шаҳри Душанбе  ва ғайра нишон дод, ки онҳо бархилофи талаботи моддаҳои 30-32 Кодекси меҳнати Ҷумҳурии Тоҷикистон тартиб дода шуда, дар онҳо имзои корфармо ва мўҳри корхона гузошта нашуда, ҳатто ҳаҷми музди меҳнати корманд муайян нашудааст.

Вақти корӣ ва истироҳат

      Ўҳдадории корфармо дар мавриди таъмину риояи вақти корӣ ва истироҳати кормандон, ки аз талаботи Кодекси меҳнати Ҷумҳурии Тоҷикистон бармеояд, яке аз кафолатҳои давлатии ҳифзи саломатии шаҳрвандон маҳсуб меёбад. Вақти мўътадили корӣ ва давомнокии истироҳату фароғати кормандон тибқи Қонун бо назардошти мақоми иҷтимоии шаҳрванд, аз қабили маъюбон, занон, ноболиғон, инчунин шароити меҳнати кормандон муқаррар шуда, ин меъёрҳо дар ташкилоту муассисаҳо новобаста аз шакли моликияташон бояд риоя шаванд. Ҳангоми санҷишҳо515 ҳолати риоя нашудани вақти корӣ ва истироҳати кормандон дар 1592 корхонаву муассисаҳои мавриди санҷиш қарор додашуда ошкор гардид, ки дар баъзе ҳолатҳо хусусияту андозаи ин қонунвайронкуниҳо боиси ташвиши ҷиддӣ аст.

       Баинобатгирии давомнокии вақти мўътадили кори маъюбон хилофи талаботи моддаҳои 61 ва 152 Кодекси меҳнати Ҷумҳурии Тоҷикистон ба роҳ монда шудааст. Масалан,  дар ЧДММ “Рамс”, Коллеҷи тиббии ҷумҳуриявӣ, Донишгоҳи соҳибкорӣ ва хизмат, Донишкадаи забонҳои Тоҷикистон  кормандони маъюб  баробари кормандони солим ба кор ҷалб карда шудаанд, ҳол он ки тибқи талаботи моддаҳои дар боло зикргардида давомнокии вақти мўътадили кори маъюбон дар давоми ҳафта на беш аз 30 соат бидуни кам кардани музди меҳнат, муқаррар карда шудааст. Рафти санҷиш муайян намуд, ки тамоми кормандони маъюб дар давоми солҳои сипаригардида ба изофакориҳои ғайриқонунӣ ҷалб карда мешудаанд, вале ин изофакориҳо дар асоси талаботи моддаи 105 Кодекси меҳнати Ҷумҳурии Тоҷикистон ба кормандони маъюб маблағгузорӣ карда нашудааст.

       Инчунин, ҳангоми муайянсозии давомнокии рухсатиҳои меҳнатии асосии кормандони маъюб, шўъбаи кадрҳо хилофи талаботи моддаҳои 851 ва 152 Кодекси меҳнати Ҷумҳурии Тоҷикистон амал намуда, давоми солҳои 2010 ва 2011 ба ин гурўҳи кормандон баробари 24 рўзи тақвимӣ давомнокии рухсатиҳои меҳнатиро муқаррар намудааст, ки дар натиҷа ба кормандони маъюб баробари аз 11 то 18 рўзи тақвимӣ рухсатиҳои меҳнатӣ пешниҳод накардаанд.

        Рафти санҷишу назоратҳо ҳолатҳои вайрон шудани талаботи қонунгузории меҳнати Ҷумҳурии Тоҷикистон, аз ҷумла Қонуни Ҷумҳурии Тоҷикистон “Дар бораи ҳифзи меҳнат” ва санадҳои меъёрии ҳуқуқии дигари амалкунандаро дар ШСХК “Барқи тоҷик”, Маркази клиникии эндокринологии ба номи Ҷ. Набиев, маркази дилшиносии вилояти Суғд, марказҳои саломатии №3 ва №6 ва дигар субъектҳои хоҷагидор муайян ва ошкор намуд. Инчунин санҷишу назорат оид ба ин масъала дар беморхонаи марказии шаҳри Роғун, ИДХО- ноҳияи Ёвон, ҶДММ «Ал Бухорӣ»-и шаҳри Қурғонтеппа хоҷагии «Дўстӣ»-и шаҳри Турсунзода, “Коллеҷи санъати ба номи С.Ҳофиз”-и шаҳри Хуҷанд, маркази савдои “Чорёрон” ва “Орифон”-и шаҳри Ваҳдат, хоҷагии “Боғистон”-и ноҳияи Ҳисор, ҶСК “Қурғонтеппагаз”-и шаҳри Қурғонтеппа муайян намуд, ки талаботи моддаи 149 Кодекси меҳнати Ҷумҳурии Тоҷикистон, яъне гузаронидани дастурдиҳии муқаддимавӣ ва ибтидоӣ оиди бехатарии меҳнат ва ташкил кардани омўзиш оиди ҳифзи меҳнат риоя нагардидааст. Бинобар ба камбудиҳо роҳ додан нисбати роҳбарони ин муассисаҳо  оид ба нодуруст ба роҳ мондани дастурдиҳӣ, мутобиқи талаботи қисми 1 моддаи 94 Кодекси ҳуқуқвайронкунии маъмурии Ҷумҳурии Тоҷикистон истеҳсолоти маъмурӣ оғоз карда шуда, ҷаримабандӣ татбиқ карда шуд.

 Илова бар ин, санҷишҳо муайян намуданд, ки то ба ҳол корфармоён хилофи талаботи бандҳои 23 ва 24 Низомномаи мазкур амал намуда, ҳаҷми пардохти варақаҳои корношоямии кормандонро дар ҳаҷми 50 фоиз муқаррар намуданд, ки ин боиси аз меъёрҳои муқаррарӣ кам пардохт гардидани маблағҳои корношоямии муваққатии  кормандон гардидааст.

 Санҷишҳои гузаронидаи Хадамот ошкор намуданд, ки корфармоён ҳангоми пардохти рухсатиҳои ҳомиладорӣ ва таваллуд хилофи талаботи қарори Ҳукумати Ҷумҳурии Тоҷикистон аз 1 июни соли 2007, № 313 «Қоидаҳои ҳисобкунии музди миёнаи меҳнат барои пардохти рухсатиҳои меҳнатӣ, кўмакпулӣ дар вақти аз кор рафтан, кўмакпулӣ барои корношоямии муваққатӣ ва дигар ҳолатҳое, ки ба пардохти музди миёнаи меҳнат алоқаманданд», амал намуда, музди миёнаи меҳнати якрўзаи коргарзанҳоро ба шумораи рўзҳои моҳҳои нопурраи корӣ муайян намуда, пас аз он ба 140 рўзи тақвимӣ зарб намудаанд, ки дар натиҷа аз ин ҳисоб ба буҷети суғуртаи давлатии иҷтимоӣ ба андозаи 19893 сомонӣ зиён расонида шуда, пас аз дахолати Хадамот тибқи талаботи санадҳои қонунгузорӣ ин маблағҳо ба буҷети фонди суғуртаи давлатии иҷтимоӣ ва нафақа барқарор карда шуданд.

Меъёрбандӣ ва пардохти саривақтии музди меҳнат

                Дар радифи  таъмини ҳуқуқу кафолатҳои меҳнатии шаҳрвандон масъалаи назорати пардохти саривақтии музди меҳнати кормандон ва бартарафсозии қарздорӣ аз музди меҳнат дар ин давра яке аз самтҳои афзалиятноки фаъолияти кормандони Хадамот маҳсуб меёфт.

            Дар робита ба иҷрои дастуру нишондодҳои Паёми Президенти Ҷумҳурии Тоҷикистон ба Маҷлиси Олии Ҷумҳурии Тоҷикистон аз 20 апрели соли 2012 бо мақсади таъмини назорат дар пардохти саривақтии музди меҳнати кормандони корхонаву муассисаҳо дар Хадамот ситоди кории доимӣ таъсис дода шуд.

       Мувофиқи маълумоти оморӣ ба ҳолати 1 ноябри соли равон қарздорӣ аз пардохти музди меҳнат дар ҷумҳурӣ бо назардошти қарзҳои моҳҳои пешин 12 млн. 509,4  ҳазор сомониро ташкил медиҳад, ки аз ин  3 млн. 928,3 ҳазор сомонии он ба соҳаи хочагии кишоварзӣ, 3 млн. 65,8 ҳазор сомонӣ ба соҳаи саноат ва энергетика, 215,5  ҳазор сомонӣ ба соҳаи нақлиёт ва коммуникатсия, 5 млн. 126,9 ҳазор сомонӣ ба соҳаи сохтмон, 118,4 ҳазор сомонӣ ба хоҷагихои коммуналию манзилӣ, 3,7 ҳазор ба соҳаи ҷангал ва 50,8 ҳазор сомонӣ ба дигар соҳаҳо тааллуқ дорад.

 Қарздории бештари музди меҳнат дар шаҳру ноҳияҳои тобеи марказ вуҷуд дорад, ки маблағи 6 млн. 809,9 ҳазор сомониро ташкил намуда, 54,4 фоизи  ҳаҷми умумии қарздориро дар ҷумҳурӣ ташкил менамояд ва нисбат ба аввали соли ҷорӣ бошад дар ҳаҷми  3 млн. 546 ҳазор сомонӣ кам гардидааст.

4 млн. 727,1 ҳазор сомонии қарзи музди меҳнати мавҷуда асосан ба соҳаи  сохтмон, 1 млн. 871,4 ҳазор сомонии он ба соҳаи кишоварзӣ ва 211,4 ҳазор сомонии он ба соҳаи нақлиёт ва коммуниктсия тааллуқ дорад.

Тибқи ҷадвали бартарафсозии қарзи музди меҳнат мебоист, то ба ҳолати 1 ноябри соли ҷорӣ аз тарафи масъулини хоҷагиҳои кишоварзии ноҳияи Ҳисору Шаҳринав ва шаҳри Турсунзода қарзи музди меҳнати кормандон пурра пардохта мешуд. Вале дар мўҳлати таъиншуда танҳо масъулини хоҷагихои “Боғистон”, “Себистон”, “Шоҳамбарӣ”, “Ватан”, ҶДММ “Баракати гўсфанди ҳисорӣ” филиали ҶСК “Тоҷиктелеком”-и ноҳяи Ҳисор ва хоҷагиҳои “Дўстӣ”, “Эфиранос”, “О. Абдураҳмонов”-и шаҳри Турсунзода қарздории музди меҳнати кормандонро пардохтаанд.

Роҳбарони хоҷагиҳои деҳқонии ба номи «А. Мирзоев»,ба номи “К. Назиров”,ба номи «Қ. Бўриев»-и шаҳри Турсунзода, хоҷагии ба номи “И.Меликмуродов”-и ноҳияи Шаҳринав, хоҷагиҳои КВТТ “Ҳисор” ва “Сунбула”-и ноҳияи Ҳисор нисбати амрномаҳои додаи Хадамот бемасъулиятӣ зоҳир намуда, қарзи музди меҳнати кормандонро  пурра пардохт намоянд.

Вобаста ба ин, роҳбарони хоҷагиҳои номбурда дар асоси талаботи моддаи 139 Кодекси ҳуқуқвайронкунии маъмурии Ҷумҳурии Тоҷикистон ба маблағи 2800 сомонӣ ҳар кадом ҷаримабандӣ карда шуд. Роҳбарони хоҷагиҳои ба номи “А.Юсупов” ва “Ватан” бошад барои қарзи музди меҳнати нав пайдо шудан ва барои сари вақт напардохтани музди меҳнати кормандон тибқи қисми 1 моддаи 134 Кодекси ҳуқуқвайронкунии маъмурии Ҷумҳурии Тоҷикистон ба андозаи 800 сомонӣ ҳар кадом ҷаримабандӣ карда шуд.

                Инчунин дар асоси ҷадвали бартарафсозии қарзи музди меҳнат ва талаботу дархостҳои Хадамот дар давоми моҳҳои июл ва октябри соли ҷорӣ аз тарафи масъулини ҶДММ «Сомонсангрез»,ҶСК «СомониёнГАЗ»-и ноҳияи Рўдакӣ ва ҶДММ «Поти Ас», ҶДММ «Нурафшон», ҶДММ “Интерсохтмон”- 1 млн. 130 ҳазор сомонӣ қарзи музди меҳнати кормандон пардохта шуд.

Ҳолати қарздорӣ аз музди меҳнат дар шаҳру ноҳияҳои Вилояти Мухтори Куҳистони Бадахшон ба 1 ноябри соли 2012 маблағи 157,4 ҳазор сомониро ташкил менамояд, ки нисбат ба  аввали соли ҷорӣ баробари  86,6 ҳаз. сомонӣ ё ба андозаи 122,3 фоиз зиёд шудааст, ки асосан ин қарздорӣ ба филиалҳои ҶСК «Тоҷиктелеком» рост меоянд.

Ҳамчунин, корхонаҳои ноҳияи Мурғоб ба ҳолати 1 ноябри аз музди меҳнат 17,9 ҳазор сомонӣ,ноҳияи Ишкошим 35,8 хазор сомонӣ, ноҳияи Дарвоз-20,5 ҳазор сомонӣ, Рошқалъа 20,7 ҳазор сомонӣ, Шуғнон-8,9, Ванҷ – 20,7 ҳазор сомонӣ, Рўшон – 27,9 ҳазор сомонӣ қарздор буда, корфармоён мутобиқи муқаррароти шартномаи меҳнатӣ ва талаботи моддаи 4 Кодекси меҳнати Ҷумҳурии Тоҷикистон вазифа ва ўҳдадории худро иҷро накардаанд.

Ҳолати қарздорӣ аз музди меҳнат дар шаҳри Душанбе ба 1 ноябри соли 2012 маблағи 159,3 ҳазор сомониро ташкил менамояд, ки нисбат ба  аввали соли ҷорӣ баробари  82,1 ҳаз. сомонӣ ё ба андозаи 106,3 фоиз афзоиш ёфтааст, ки асосан ин қарздорӣ ба заводи машруботи шаҳри Душанбе, ҶДММ “Мурод” ва КВД “Партовкашонӣ” –и ноҳияи Исмоили Сомонӣ рост меояд.

         Ҳамчунин, корхонаю ташкилотҳои ноҳияи И.Сомонӣ 68,2 ҳазор сомонӣ,ноҳияи Сино 84,7 хазор сомонӣ ва ноҳияи Фирдавсӣ 6,4 ҳазор сомонӣ қарздор буда, корфармоён мутобиқи муқаррароти шартномаи меҳнатӣ ва талаботи моддаи 4 Кодекси меҳнати Ҷумҳурии Тоҷикистон вазифа ва ўҳдадории худро иҷро накардаанд.

Ҳолати қарздорӣ аз музди меҳнат дар шаҳру ноҳияҳои вилояти Хатлон ба 1 ноябри соли 2012 маблағи 2 млн. 986 ҳазор сомониро ташкил менамояд, ки нисбат ба  аввали соли ҷорӣ баробари  651 ҳаз. сомонӣ ё ба андозаи 27,8 фоиз афзоиш ёфтааст.

Қарзи зиёди музди меҳнат дар соҳаҳои саноат ва энергетика – 1 млн. 991,6 ҳазор сомонӣ, сохтмон – 248,6 ҳазор сомонӣ, кишоварзӣ- 259,9 ҳазор сомонӣ, хоҷагии манзилию коммуналӣ – 89,6 ҳазор сомонӣ, хоҷагии ҷангал – 3,7 ҳазор сомонӣ, нақлиёт ва коммуникатсия- 62,4 хазор сомонӣ ва дигар соҳаҳо 330,2 хазор сомониро ташкил медиҳанд.

       Қарздорӣ аз музди меҳнат дар корхонаю ташкилотҳои ноҳияи Ёвон зиёд буда, ташвишовар боқӣ мемонад. Корхонаҳои ноҳия ба ҳолати 1 ноябри соли 2012 аз пардохти музди меҳнат 1 млн. 892,6 ҳазор сомонӣ қарздор мебошанд, ки асосан ин қарздорӣ ба ҶСК «Тоҷикхимпром», хоҷагии ба номи У.Қобилов ва идораи давлатии хоҷагии об рост меояд.

        Ҳамчунин, корхонаҳои ноҳияи Панҷ ба ҳолати 1 ноябри аз музди меҳнат 243 ҳазор сомонӣ, шаҳри Қурғонтеппа – 272,8 хазор сомонӣ, ноҳияи Вахш- 25,2 ҳазор сомонӣ, Ҳамадонӣ 179,9 ҳазор сомонӣ, Фархор 143 ҳазор сомонӣ, Данғара 52 ҳазор сомонӣ қарздор буда, корфармоён мутобиқи муқаррароти шартномаи меҳнатӣ ва талаботи моддаи 4 Кодекси меҳнати Ҷумҳурии Тоҷикистон вазифа ва ўҳдадории худро иҷро накардаанд.

Фаъолияти Хадамоти давлатии назорат дар соҳаи меҳнат, шуғл ва ҳифзи иҷтимоии аҳолӣ дар семоҳаи якуми соли 2013

1)    Асоси фаъолияти Хадамот

Фаъолияти Хадамоти давлатии назорат дар соҳаи меҳнат, шуғл ва ҳифзи иҷтимоии аҳолӣ дар шароити кунунии рушди ҷомеа ва тараққиёти иқтисоди кишвар дар доираи ваколатҳои муайянамудаи қонунҳои Ҷумҳурии Тоҷикистон ва дигар санадҳои меъёрии ҳуқуқии Ҷумҳурии Тоҷикистон, дар иртибот бо дастуру супоришҳои Президенти Ҷумҳурии Тоҷикистон, Ҳукумати Ҷумҳурии Тоҷикистон ва Вазорати меҳнат ва ҳифзи иҷтимоии аҳолии Ҷумҳурии Тоҷикистон ба назорати риояи муқаррароти санадҳои меъёрии ҳуқуқӣ дар самти меҳнат, шуғл ва ҳифзи иҷтимоӣ дар корхонаю ташкилот ва муассисаҳо ба роҳ монда  шудааст.

2)    Нишондиҳандаҳои мухтасар дар давраи ҳисоботӣ

Тибқи нақшаи тасдиқшуда, дастуру супоришҳои роҳбарияти вазорат ва арзу шикоятҳои шаҳрвандон вобаста ба ҳолати риояи қонунгузории соҳа дар семоҳаи якуми соли 2013 фаъолияти 600 адад субъектҳои хоҷагидори Ҷумҳурии Тоҷикистон мавриди санҷиш қарор дода шуд, ки 543 адади он санҷишҳои нақшавӣ мебошанд.Аз ин, 280санҷиш ба масъалаҳои меҳнат, 182 санҷиш  ба масъалаҳои бехатарии меҳнат ва риояи стандартҳо, 79 санҷиш ба масъалаҳои шуғли аҳолӣ ва 59 санҷиш ба масъалаҳои нафақа ва дигар  пардохтҳои иҷтимоӣ рост меояд.

Назорату санҷишҳои давлатӣ дар соҳаи меҳнат, шуғл ва ҳифзи иҷтимоии аҳолӣ дар давраи ҳисоботӣ дар маҷмӯъ 304 корхонаву муассисаҳои давлатӣ,279 корхонаю ташкилотҳои хусусӣ ва 47 субъектҳои хоҷагидори шакли дигари моликиятро фаро гирифт.

Дар натиҷаи ҳамаи назорату санҷишҳои анҷомёфта 2464 адад қонунвайронкуниҳо  ошкор гардиданд,ки аз ин 1368ҳолат ба масъалаҳои меҳнат,605 ҳолат ба масъалаҳои бехатарии меҳнат ва риояи стандартҳо, 374 ҳолат ба масъалаҳои шуғл ва 117 ҳолат ба масъалаҳои нафақа ва дигар пардохтҳои  иҷтимоӣ  иртибот доранд,ки нисбат басемоҳаи якуми соли 201217,4 фоиз зиёд гардидааст (дар семоҳаи якуми соли 2012 2098 адад).

Дар маҷмӯъ дар семоҳаи якуми соли 2013 бо дахолати Хадамот 15 млн. 48,4 ҳазор сомонӣ ба буҷети давлатӣ ва шаҳрвандон пардохт ва барқарор карда шуд, аз ҷумла:

      а) ба буҷети давлатӣ дар маҷмӯъ 2млн. 450,7  ҳазор сомонӣ, аз ин:

– ба  фонди 25% – маблағи 1 млн. 857,4 ҳазор сомонӣ;

     – ба фонди 1% – 74,7 ҳазор сомонӣ;

– нафақаи зиёд таъину пардохтгардида 389,7 ҳазор сомонӣ барқарор карда шуд;

– ҷаримаҳо барои содир кардани ҳуқуқвайронкуниҳои маъмурӣ дар соҳаи меҳнат, шуғл ва ҳифзи иҷтимоии аҳолӣ дар ҳаҷми 128,9 ҳазор сомонӣ;

     б) ба шаҳрвандон, дар маҷмӯъ 12 млн. 597,7 ҳазор сомонӣ, аз ин:

    –  қарздории музди меҳнат 12 млн. 479,9 ҳазор сомонӣ;

– ба оила ва ашхоси ғайри қобили кории фавтидагон ва кормандони зарардида аз ҷониби корфармоён маблағи 46 ҳазор сомонӣ ҷуброни зарар;

      – маблағи нафақаи кам таъину пардохтгардида 71,8 ҳазор сомонӣ.

3) Қонунҳои Ҷумҳурии Тоҷикистон, фармонҳои Президенти Ҷумҳурии Тоҷикистон ва қарору супоришҳои Ҳукумати Ҷумҳурии Тоҷикистон, ки зери назорати доимии Хадамот қарор доранд, 43 ададро ташкил медиҳанд.

Таҳлилҳо нишон доданд, ки дар семоҳаи якуми соли 2013 ба Хадамот ҳамагӣ 641 адад мактубҳо расман ворид гардиданд, аз ин супоришҳои расмии Вазорат138 адад барои баррасӣ ва таҳлил ворид гардида, 12 адади он дар ҳолати иҷро қарор доранд.

Дар Хадамот тибқи 13 реестр назорати дохилӣ бурда мешавад, ки аз он вобаста ба супоришҳои Вазорат дар 4 самт назорат бурда мешавад:

1) қарорҳо ва протоколҳои  Ҳайати мушовараи Вазорат;

2) фармоишҳои Вазир;

3) нақшаи чорабиниҳои вазорат;

4) протоколҳои маҷлисҳои назоратии назди Вазир.

         Иҷрои ҷадвали назоратӣ зери назорат қарор дошта, супоришҳои нав илова мегарданд ва супоришҳое, ки иҷрокарда шудаанд, аз назорат хориҷ карда мешаванд.

     Айни ҳол назорати иҷрои супоришҳое, ки аз вазорат ба Хадамот ворид гардидааст, тибқи ҷадвали назоратӣ ба роҳ монда шудааст, ки аз ин:

1) Қарорҳо ва протоколҳои Ҳайати мушовараи Вазорат дар соли соли 2011 – 11 адад, соли 2012 – 13 адад ва соли 2013- 2адад;

2) Фармоишҳои Вазир дар соли 2011 – 9 адад, соли 2012 – 12 адад ва соли 2013- 2 адад;

3) Нақшаи чорабиниҳои Вазоратдар соли 2011 – 3 адад, соли 2012 – 4 адад ва соли 2013- 3 адад;

4) Протоколҳои маҷлиси назоратии назди Вазир дар соли 2013 – 8 адад.

Вобаста ба самтҳои назоратии  Хадамот дар 4 самт назорати доимӣ бурда мешавад:

  1. оидбамуҳофизати меҳнат;
  2. оид ба ташхиси шароити меҳнат ва риояи стандартҳо;
  3. оид ба масъалаҳои шуғли аҳолӣ;
  4. оид ба масъалаҳои таъин ва пардохти нафақа ва дигар  пардохтҳои иҷтимоӣ.

        4)Самти  назорати муҳофизати меҳнат

         Тибқи нақшаи тасдиқшуда, дастуру супоришҳои роҳбарияти вазорат ва арзу шикоятҳои шаҳрвандон вобаста ба ҳолати риояи қонунгузории меҳнат дар семоҳаи якуми соли 2013 фаъолияти 280 адад субъектҳои хоҷагидори Ҷумҳурии Тоҷикистон оид ба масъалаҳои меҳнат мавриди санҷиш қарор дода шуд. Аз шумораи умумии санҷишҳои гузаронидашуда 205 адади он санҷишҳои нақшавӣ буда, 75 адади он санҷишҳои мақсаднок мебошанд, ки дар асоси аризаю дархостҳои шаҳрвандон гузаронида шудаанд.

Назорату санҷишҳои давлатӣ дар соҳаи меҳнат, ҳифзи меҳнат, меъёрҳои бехатарии меҳнат, суғуртаи иҷтимоӣ ва ҳифзи иҷтимоии аҳолӣ дар давраи ҳисоботӣ дар маҷмӯъ 171 корхонаву муассисаҳои давлатӣ, 79 корхонаю ташкилотҳои хусусӣ ва 30 субъектҳои хоҷагидори шакли дигари моликиятро фаро гирифт.

Дар натиҷаи ҳамаи назорату санҷишҳои анҷомёфта 1366 ҳолати риоя накардани  қонунвайронкуниҳо, ки ба масъалаҳои меҳнат иртибот доранд, ки нисбат ба ҳамин давраи соли гузашта 10,1 фоиз коҳиш ёфтааст, ошкор гардиданд.

Қайд намудан ба маврид аст, ки дар ин марҳила бинобар муваққатан фаъолият надоштан, қатъ намудани фаъолият, доир шуда истодани санҷиши молиявӣ, муваққатан дар сафари корӣ ва ё бемор будани шахсони масъули субъектҳои хоҷагидор, ки бо мактубҳои расмӣ ба Хадамот муроҷиат намуданд, санҷиши 21 адад субъектҳои хоҷагидор ба вақти дигар мавқуф гузошта шуд, ки нисбат ба ҳамин давраи соли гузашта 73,4 фоиз коҳиш ёфтааст.

Мусоидат ба рушди шарикии иҷтимоӣ

Гарчанд дар ташкилотҳои санҷидашуда тибқи  талаботи моддаҳои 17 ва 18 Қонуни Ҷумҳурии Тоҷикистон «Дар бораи шарикии иҷтимоӣ, созишномаҳо ва шартномаҳои коллективӣ» ва моддаҳои 23, 24 ва 25 Кодекси меҳнати Ҷумҳурии Тоҷикистон ба хотири баланд бардоштани сатҳи кафолатҳои меҳнатӣ ва иҷтимоии кормандон дар қиёс ба ҳадди ақали кафолатҳои меҳнатӣ ва иҷтимоие, ки давлат муқаррар намудааст, зарурати бастани созишномаҳои соҳавӣ ва шартномаҳои коллективиро дар симои иттифоқҳои касаба муаяйн намуда, дар ин бора қарори дахлдор қабул шуда бошад ҳам, аз рафти санҷишҳо муайян гардид, ки аксар созишнома ва шартномаҳои коллективии байни корфармо ва коллективи меҳнатӣ басташуда рӯякӣ ва сатҳӣ мебошанд. Агар аз як тараф  дар шартномаҳои коллективии басташуда муқаррароти меъёрии муайяннамуда, сатҳи иҷтимоии кормандонро нисбат ба муқаррароти асноди қонунгузорӣ паст намуда бошанд, аз тарафи дигар санҷишҳо муайян намуданд, ки оид ба гузаронидани музокироти коллективӣ, танзими муносибатҳои иҷтимоӣ-меҳнатӣ, таҳия ва бастани шартномаи коллективӣ дар асоси талаботи моддаи 6 Қонуни Ҷумҳурии Тоҷикистон “Дар бораи шарикии иҷтимоӣ, созишномаҳо ва шартномаҳои коллективӣ” комиссияи дутарафа таъсис дода нашудааст. Ҳол он, ки тибқи талаботи моддаи 19 Қонуни мазкур тартиб ва мӯҳлати бастани шартномаи коллективӣ, ҳайати комиссияи барои пешбурди музокирот таъиншавандаро тарафҳо муайян мекунанд, ки он бо фармони корфармо ба расмият дароварда мешавад. Илова бар ин, дар маҷлиси умумии коллективи меҳнатӣ шакли мукаммали шартномаи коллективӣ аз ҷониби коллективи меҳнатӣ мавриди муҳокима қарор дода нашудааст, ки инро мавҷуд набудани протоколи маҷлиси умумии коллективи меҳнатӣ дар хусуси аз номи онҳо бо корфармо ба имзо расонидани шартномаи коллективӣ тасдиқ менамояд.

Давраи ҳисоботӣ, дар 280 корхонаю ташкилотҳои мавриди санҷиш қарор додашуда, 111 ҳолати риоя нагардидани муқаррароти мазкур ошкор карда шуда, пас аз дахолати Хадамот 100 ҳолати он пурра бартараф карда шуд. Масалан, дар ҶДММ “Тоҷсохтмон байналмиллал”, Донишгоҳи тиҷорати Тоҷикистон, Консерваторияи миллии Тоҷикистон,  ҶДММ “Осоишгоҳи Баҳористон”-и шаҳри Қайроққум, ҶДММ “Сайёд-98”, ҶДММ “Саховат” ва ҶДММ “Дилафрӯз”-и шаҳри Турсунзода, ҶСП “Индиго Тоҷикистон”, ҶДММ “Вавилон-Т”, ҶСП “ТК мобайл”, Омӯзишгоҳи касбии техникии №55-и шаҳри Хучанд, ҶСП “Зуал-и ноҳияи Б. Ғафуров”, шуъбаи Фарҳанги ноҳияи Мӯъминобод,  ҷамоати деҳоти Якадинги ноҳияи Қумсангир, ҷамоати деҳоти Чуянгарони шаҳри Ваҳдат ва ғайра чунин қонунвайронкунии ошкоргардида бартараф карда шуданд.

Дар маҷмӯъ бо дахолати кормандони Хадамот дар 111 корхонаю ташкилот ба шартномаҳои коллективии басташуда тағйиру иловаҳо ворид гардида, дар шуъбаҳои меҳнати мақомоти иҷроияи мавқеъи ҷойгиршаваиашон  ба қайд гирифта шуданд.

Шартномаи (қарордоди) меҳнатӣ

Шартномаи (қарордоди) меҳнатӣ – созишномаи байни корфармо ва корманд буда, тибқи он корманд вазифадор аст, корҳоро аз рӯи як касб, якчанд касби муайян, ихтисос ё вазифа бо дараҷаҳои дахлдор ва бо риояи тартиби дохилимеҳнатӣ иҷро намояд. Корфармо бошад, вазифадор аст, барои ҳамин кор ба корманд музд диҳад ва шароити меҳнатро, ки  санадҳои меъёрии ҳуқуқӣ оид ба меҳнат ва созишномаи тарафайн муайян намудаанд, таъмин кунад.

Дар рафти санҷишҳо мутахассисони Хадамот дар давраи ҳисоботӣ дар 280 корхонаю ташкилоти мавриди санҷиш қарор дода, 179 ҳолати риоя нагардидани талаботи қонунгузории меҳнатро дар самти бастани шартномаи (қарордоди) меҳнатӣ ошкор намуданд.

Азбаски шартномаҳои (қарордодҳои) меҳнатӣ дар қиёс бо шартномаҳои гражданӣ-ҳуқуқӣ оид ба  татбиқи меҳнат, доираи васеътари ҳуқуқ ва кафолатҳои ҳифзи манфиатҳои кормандонро пешбинӣ менамояд, дар амалия ҷамъият кӯшиш ба харҷ додааст, ки бо шаҳрвандон на шарномаҳои (қарордодҳои) меҳнатӣ, балки шартномаҳои гражданӣ-ҳуқуқӣ банданд, ки ин вобаста ба шуғли доштаи корманд хилофи талаботи қонунгузории меҳнат мебошад. Чунки аз як тараф шартномаи (қарордоди) меҳнатӣ пеш аз ҳама хусусияти мутлақо шахсӣ дошта, иваз намудани корманд ба дигар шахс номумкин аст ва аз тарафи дигар шартномаи (қарордоди) меҳнатӣ ҷараёни меҳнатро ба танзим медарорад. Маҳаки шартномаи гражданӣ-ҳуқуқии ба меҳнат иртиботдоштаро бошад, на ҷараёни меҳнат, балки натиҷаи он ташкил медиҳад.

Аз рафти санҷишҳо муайян карда шуд, ки корфармоёндавоми солҳои 2011-2012 ба ҳисоби миёна ба 1128 нафар кормандон барои хизматрасонӣ шартнома ба имзо расонидаанд,  ки ин шартномаҳои  хизматрасонӣ  пурра  мансубият доранд ба шартномаҳои меҳнатии ба ҳолати муайян басташуда.Зеро кормандоне, ки бо ин усул дар ҷамъиятҳо ба фаъолият фаро гирифта шудаанд, муваззаф мебошанд, ки корро танҳо аз рӯи вазифа бо дараҷаи муайян иҷро намоянд, ки чунин ҳолат ба шартномаҳои гражданӣ- ҳуқуқии ба меҳнат иртиботдошта хос нест. Аз тарафи дигар ин гурӯҳ кормандон ба ҳайати шахсии ҷамъиятҳо дохил буда, ӯҳдадоранд, ки ба тартиби дохилии меҳнат итоат намоянд ва ҳангоми вайрон намудани интизоми меҳнат аз ҷониби корфармо ба ҷавобгарии интизомӣ кашида мешаванд. Аз рӯи шарномаҳои гражданӣ- ҳуқуқӣ бошад, шаҳрвандон метавонанд корро дар давраи барояшон қулай иҷро намоянд, ё хизматеро расонанд. Илова бар ин, ҳаминро дарҷ намудан ба маврид аст, ки музди меҳнат аз рӯи шартномаи (қарордоди) меҳнатӣ на танҳо барои натиҷаи кор, инчунин барои вақти кордодашуда пардохта  мешавад. Айни ҳол пардохти даврии музди меҳнат, дар ҳолати муқаррарнамудаи қонунгузорӣ кафолат дода мешавад. Аз рӯи шартномаи гражданӣ- ҳуқуқӣ бошад, музди меҳнат  мутлақо барои натиҷаи кор дода мешавад.

Илова бар ин, муносибатҳои меҳнатии дар асоси шартномаи меҳнатӣ бавуҷудомада хусусияти устувор, бардавом ва пойдорро доро буда, корфармо ҳуқуқ дорад, аз корманд риояи қатъии қоидаҳои тартиботи дохилии меҳнатиро талаб намояд. Тибқи шартномаи гражданӣ – ҳуқуқӣ оид ба татбиқи меҳнат бошад, тарафҳо ӯҳдадориҳои шартномавиашонро ба таври мухторият иҷро менамоянд.

Бо назардошти гуфтаҳои боло шартномаҳои бо кормандон барои  хизматрасонӣ басташуда, бо сабаби далелҳои овардаи корфармо дар хусуси имконнопазирии бастани шартномаҳои меҳнатӣ ба ҳолати муайян   бо кормандон беэътимод ҳисобида шуда, шартномаҳои хизматрасонӣ аз ибтидои басташудан шартномаҳои меҳнатии ба ҳолати муайян басташуда эътироф карда шаванд.

Баробари ин ҳаминро қайд кардан ҷоиз аст, ки ҳисобӣ, пардохт ва нигоҳ доштани маблағҳо аз музди меҳнати гурӯҳи кормандоне, ки тибқи шартномаҳои хизматрасонӣ фаъолият доранд аз ҷониби шӯъбаи муҳосиботи ҷамъиятҳо чун кормандони рӯйхатӣ амалӣ карда шудааст, яъне аз ҳисоби музди меҳнати онҳо 25 фоиз ба фонди АДСИН, 1% ба фонди суғуртаи давлатии иҷтимоӣ ва пардохти андоз аз даромад бо риояи талаботи моддаи 103 Кодекси андози Ҷумҳурии Тоҷикистон амалӣ мегардад. Вале нисбат ба ин гуруҳи кормандон имтиёзҳои Қонуни Ҷумҳурии Тоҷикистон “Дар бораи суғуртаи давлатии иҷтимоӣ” амалӣ карда нашудааст, яъне ба онҳо кӯмакпулиҳои корношоямии муваққатӣ пардохта намешавад.

Масалан омӯзиши қарордодҳои меҳнатии байни роҳбарият ва кормандони ҶСП “Индиго Тоҷикистон”, ҶДММ “Вавилон-М”,ҶСП “ЖБК- ТАДЭС” ва ғайра нишон дод, ки онҳо бархилофи талаботи моддаҳои 30-32 Кодекси меҳнати Ҷумҳурии Тоҷикистон  тартиб дода шуда, дар онҳо имзои корфармо ва мӯҳри корхона гузошта нашуда, ҳатто ҳаҷми музди меҳнати корманд муайян нашудааст.

Вақти корӣ ва истироҳат

ӯҳдадории корфармо дар мавриди таъмину риояи вақти корӣ ва истироҳати кормандон, ки аз талаботи Кодекси меҳнати Ҷумҳурии Тоҷикистон бармеояд, яке аз кафолатҳои давлатии ҳифзи саломатии шаҳрвандон маҳсуб меёбад. Вақти мӯътадили корӣ ва давомнокии истироҳату фароғати кормандон тибқи Қонун боназардошти мақоми иҷтимоии шаҳрванд, аз қабили маъюбон, занон, ноболиғон, инчунин шароити меҳнати кормандон муқарраршуда, ин меъёрҳо дар ташкилоту муассисаҳо новобаста аз шакли моликияташон бояд риоя шаванд. Ҳангоми санҷишҳо 145 ҳолати риоя нашудани вақти корӣ ва истироҳати кормандон дар 280  корхонаву муассисаҳои мавриди санҷиш қарор додашуда ошкор гардид, ки дар баъзе ҳолатҳо хусусияту андозаи ин қонунвайронкуниҳо боиси ташвиш аст.

Масалан, дар ҶДММ “Тоҷсохтмон-Байналмиллал”, ҶДММ “Воридоти Корея”-и шаҳри Турсунзода, Донишгоҳи тиҷорати Тоҷикистон, Консерваторияи миллии Тоҷикистон аксарияти кормандони фаъолиятдошта, новобаста аз он ки ду рӯз пас баробари 24 соатӣ ба вақти кори сменавӣ ҷалб шаванд ҳам,  75 соатӣ ба изофакорӣ ҷалб шудани онҳо тибқи талаботи моддаи 72 Кодекси меҳнати Ҷумҳурии Тоҷикистон изофакорӣ ҳисобида намешавад.

Илова бар ин, дар корхонаю ташкилотҳои мазкур талаботи қонунгузории меҳнат нисбати кормандони ба вақти кори шабона ҷалбшаванда амалӣ намегардад. Раванди санҷиш ошкор намуд, ки баинобатгирии давомнокии вақти кори шабона ва  пардохти он дар асоси  талаботи моддаҳои 70 ва 106 Кодекси меҳнати Ҷумҳурии Тоҷикистон  ба роҳ монда нашудааст.

Инчунин аз рафти санҷиши табелҳои баинобатгирии давомнокии вақти кори кормандон  ошкор  гардид, ки дар ҷамъиятҳои мазкур хилофи талаботи моддаи 69 Кодекси меҳнати Ҷумҳурии Тоҷикистон амал намуда, дар арафаи рӯзҳои ид пурра кормандонро ба кор ҷалб намудаанд. Дар натиҷа ҳамаи кормандон ғайриқонунӣ ба изофакорӣ ҷалб карда шуда, дар асоси талаботи моддаҳои  105 Кодекси меҳнати Ҷумҳурии Тоҷикистонба изофакориҳои ғайриқонунии ҷалбшуда, маблағҳои иловагӣ пардохт карда нашудааст.

Инчунин, баинобатгирии давомнокии вақти корӣ ва аз меъёрҳои муайяннамуда зиёд ба кор ҷалб намудани кормандон ва пардохти музди меҳнати онҳо хилофи  талаботи моддаҳои 60, 62, 72 ва 105 Кодекси меҳнати Ҷумҳурии Тоҷикистон ба роҳ монда шудааст.

Кӯмакпулиҳои иҷтимоӣ. Дар ҷараёни санҷишҳо дар корхонаю ташкилотҳои ноҳияҳои Ҷ. Расулов, Мастчоҳ, шаҳрҳои Конибодом, Қайроққуми вилояти Суғд ва ноҳияҳои Ҳамадонӣ, Фархор, Бохтар, А. Ҷомии вилояти Хатлон, шаҳри Турсунзода, ноҳияҳои Шаҳринав, Рашт ва Варзоб ҳолатҳои риоя накардани пардохти кӯмакпулӣ барои дар шароити амбулаторӣ нигоҳубини кӯдаки ҳанӯз ба синни 14-сола нарасида, барои даврае, ки кӯдак ба он эҳтиёҷ дорад, ошкор гардиданд.

Илова бар ин, аз рафти санҷишҳо дар ноҳияҳои Қумсангир, Панҷ, Фархор, Темурмалики вилояти Хатлон ва ноҳияҳои Б. Ғафуров, Ҷ. Расулов, Шаҳристон ва шаҳри Истиқлоли вилояти Суғд, ноҳияҳои Ҷиргатол, Тоҷикобод ҳолатҳое ошкор гардиданд, ки  ба кормандони дар рухсатии навбатӣ ё иловагӣ, рухсатии меҳнатии қисман пардохташаванда барои нигоҳубини кӯдак ё дар рухсатии бе нигоҳ доштани музди меҳнат мебошанд, кӯмакпулӣ барои нигоҳубини аъзои бемори оила беасос пардохт карда шудааст, ки пас аз дахолати Хадамот маблағҳои беасос пардохтшуда дар ҳаҷми  3556 сомонӣ ба суратҳисоби фонди Агентии давлатии суғуртаи иҷтимоӣ ва нафақа барқарор карда шуданд.

Аз рафти санҷиши тарзи ҳисоби варақаҳои корношоямии муваққатӣ дар омӯзишгоҳи касбии техникии №55 ва идораи давлатии хоҷагии оби ноҳияи Б. Ғафуров, омӯзишгоҳи тиббии ноҳияи Шаҳритус, муассисаи давлатии идораи хоҷагии роҳҳои автомобилгарди ноҳияи Фархор, ҶСП “Осоишгоҳи Боҳористон”- и шаҳри Қайроққум муайян гардид, ки барои муайян кардани музди миёнаи якрӯзаи меҳнат барои ҳисоб кардани кӯмакпулӣ барои корношоямии муваққатӣ,  бо роҳи тақсими музди миёнаи меҳнати моҳона ба ҳамаи рӯзҳои кории моҳи корношоямӣ муайян карда нашудааст.

          Хадамоти назорати давлатӣ дар соҳаи меҳнат, муҳоҷират ва шуғли аҳолии

           Вазорати меҳнат, муҳоҷират ва шуғли аҳолии Ҷумҳурии Тоҷикистон.

Сохтори Дастгоҳи марказии Хадамоти назорати давлатӣ дар соҳаи меҳнат, муҳоҷират ва шуғли аҳолии Вазорати меҳнат, муҳоҷират ва шуғли аҳолии Ҷумҳурии Тоҷикистон :

-Роҳбарият;

-Шуъбаи назорати давлатӣ дар соҳаи меҳнат;

-Шуъбаи назорати давлатӣ дар соҳаи муҳоҷират;

-Шуъбаи назорати давлатӣ дар соҳаи шуғли аҳолӣ;

-Шуъбаи ҳуқуқ;

-Бахши экспертизаи давлатии шароити меҳнат;

-Бахши умумӣ ва хоҷагидорӣ;

-Бахши баҳисобгирии муҳосибавӣ ва банақшагирӣ;

-Бахши кадрҳо.

Нақшаи идоракунии Хадамоти назорати давлатӣ дар соҳаи меҳнат, муҳоҷират ва шуғли аҳолии Вазорати меҳнат, муҳоҷират ва шуғли аҳолии Ҷумҳурии Тоҷикистон:

-Дастгоҳи марказӣ (телефонҳо барои тамос:231-11-61, 231-49-19; почтаи электронӣ-khadamotimehnat-tj@mail.ru);

-Бахши Хадамоти назорати давлатӣ дар соҳаи меҳнат, муҳоҷират ва шуғли аҳолӣ дар Вилояти Мухтори Кўҳистони Бадахшон (телефонҳо барои тамос:83522-2-26-42; факс-83522-2-26-42; почтаи электронӣ-khadamotimehnat-vmkb@mail.ru);

-Раёсати Хадамоти назорати давлатӣ дар соҳаи меҳнат, муҳоҷират ва шуғли аҳолӣ дар вилояти Суғд (телефонҳо барои тамос: 83422-6-47-41, 83422-6-43-40, факс-83422-6-47-41; почтаи электронӣ-khadamotimehnat-Sugd @mail.ru);

-Раёсати Хадамоти назорати давлатӣ дар соҳаи меҳнат, муҳоҷират ва шуғли аҳолӣ дар вилояти Хатлон (телефонҳо барои тамос: 83222-2-54-16, 83222-2-40-93, факс-83222-2-40-93; почтаи электронӣ-khadamotimehnat- khatlon@mail.ru);

-Шуъбаи Хадамоти назорати давлатӣ дар соҳаи меҳнат, муҳоҷират ва шуғли аҳолӣ дар шаҳри Душанбе (телефонҳо барои тамос: 231-83-73, почтаи электронӣ-khadamotimehnat-dushanbe@mail.ru);

-Бахши Хадамоти назорати давлатӣ дар соҳаи меҳнат, муҳоҷират ва шуғли аҳолӣ дар минтақаи Ҳисор (телефонҳо барои тамос: 83139-2-72-01, факс-83139-2-72-01, почтаи электронӣ-khadamotimehnat-hisor@mail.ru);

– Бахши Хадамоти назорати давлатӣ дар соҳаи меҳнат, муҳоҷират ва шуғли аҳолӣ дар минтақаи Ваҳдат (телефонҳо барои тамос: 83136-2-63-20, факс-83136-2-63-20, почтаи электронӣ-khadamotimehnat-vahdat@mail.ru);

– Бахши Хадамоти назорати давлатӣ дар соҳаи меҳнат, муҳоҷират ва шуғли аҳолӣ дар минтақаи Рашт(телефонҳо барои тамос: 83133-3-01-21, факс-83133-3-01-21, почтаи электронӣ-khadamotimehnat-rasht@mail.ru).

 

Ному насаб ва мансаби роҳбарияти Хадамоти назорати давлатӣ дар соҳаи меҳнат, муҳоҷират ва шуғли аҳолии Вазорати меҳнат, муҳоҷират ва шуғли аҳолии Ҷумҳурии Тоҷикистон:

-Муродзода Дустмурод Ҳайит-Сардори Хадамоти назорати давлатӣ дар соҳаи меҳнат, муҳоҷират ва шуғли аҳолӣ;

– Ҷумъазода Пайрав Машраб-муовини Сардори Хадамоти назорати давлатӣ дар соҳаи меҳнат, муҳоҷират ва шуғли аҳолӣ.

 

Хадамоти давлатии оид ба назорат дар соҳаи меҳнат, муҳоҷират ва шуғли аҳолӣ, мақоми ҳокимияти иҷроия буда, вазифаҳои вобаста ба назорату тафтиши давлатӣ аз рӯи риояи қонунгузории Ҷумҳурии Тоҷикистон дар бораи меҳнат, қоидаҳои бехатарии меҳнат, меъёру андозаҳои бехатарии меҳнат, гузаронидани санҷиши шароитҳои меҳнат, шуғл, муҳоҷират, суғуртаи иҷтимоӣ ва ҳифзи иҷтимоии аҳолӣ дар корхонаҳо, муассисаҳо ва ташкилотҳо новобаста аз шаклҳои моликият амалӣ мекунад. Дар заминаи собиқ Нозироти давлатии меҳнат ташкил шудааст.